Shir-gudoonka Golaha Wakiilada JSL Oo Maanta 20 July 2019 kulan la yeeshay Safiirka Cusub Ee Midawga Yurub U Qaabilsan Dalalka Somaliland Iyo Soomaaliya Amb. Nicolás Berlanga Martínez oo uu wehelinayay Safiirka Jarmalka Ambassador Annett Günther
Labada safiir iyo gudoomiyaha Golaha Wakiilada ayaa ka wada hadlay arimaha dooraahooyinka soo socda iyo sidii loo dardar gelin lahaa Goluhuna doorkiisa u qaadan lahaa, sidoo kale waxa kulanka layskula soo qaaday barnaamijyada horumarineed iyo mashaariicda ay dalka ka wadaan Jarmalka iyo midowga Yurub.
Gudoomiyaha ayaa uga mahadnaqay safiirada mashaariicda ay dalalkoodu ka wadaan Somaliland isla markaana ku booriyey inay sii wadaan.
Hargeysa (SL-Parliament) July 18 2019 Shirgudoonka Golaha
wakiilada JSL ayaa kulan maanta la yeeshay wefti Qaramada Midoobay ka socday oo u kuur gelayay Xaalada Xuquuqal Iinsaanka dalka
Kulankan laba geesoodka ahaa ayaa waxa ka qayb galay Gudoomiyaha Golaha wakiilada Mudane Baashe Maxamed Faarax, Gudoomiye kuxigeenka 1aad ee Golaha wakiilada Mudane Axmed-Yaasiin Sh. Ali Ayaanle, Xoghayaha Guud ee Golaha Wakiilada mudane Cabdirisaaq siciid Ayaanle iyo dhinaca weftiga oo uu Hogaaminayay Bahame Tom M. Nyanduga oo ah Khabiir Madax banaan oo UN ah, Sia Mawalla UNSOM, ALICE Ngezahayv UNSOM, Marianick koffi OCHA iyo Axmed Cismaan Jaamac UNSOM. Sidoo kale waxa ku wehelinayay Lataliyaha sharci ee golaha Cabdiraxmaan Hirad Jaamac iyo lataliye Cabdirisaaq Ibrahim Maxamed
Weftigan ayay ujeedadiisu ahayd xuquuqal iinsaanka dalka iyo
xeerarka khuseeya ee Golahuhu gacanta ku hayo iyo sidii loo dardar gelin lahaa
Gudoomiyaha Golaha wakiilada ayaa weftiga u sharaxay xaalada guud ahaan dalka nidaamka dimuqraadiga
ah iyo heerka xuquuqal iinsaanka Somaliland, waxa uu sidoo kale si gaara uga
waramay xeerarka arintan khuseeya ee golaha
yaala kuwa goluhu ansixiyey iyo kuwa aan xukuumadu weli u soo gudbinin, xeerarkan oo ay ka mid
yihiin, Xeerka Saxaafada, xeerka FGM-ka, Xeerka Kufsiga
iyo Xeerka Booliiska. Gudoomiye Baashe ayaa
si gaara ugu mahad celiyey weftiga booqashadooda dalka.
Weftiga ayaa
gudoomiyaha iyo golahaba uga mahadceliyey soo dhawayntooda iyo xogaha
faahfaahsan ee ay ka siiyeen waxaanay suaalo ka waydiiyeeen xeerarka qaar oo gudoomiyaha goluhuna si waafiya ugaga
jawaabay.
Tan iyo 2005, markii Golaha Wakiilada ee hadda jooga la soo doortey, Golahu wuxuu sameynayey horumar dhinacyo badan leh, hadday tahay kobcinta dhismaha xarunta GW, kor-uqaadida tayada shaqada, kobcinta aqoonta xildhibaanda iyo aqoonta shaqaalahaba.
GW oo ku guda jirey hirgalinta strategisadiisii 2aad ee 2017-2022, oo ahaa qorshe shan sanadleh, waxaa ku jirey in amniga xarunta Baarlamaanka kor looqaado (Golaha Wakiilada iyo Golaha Guurtida) si loo sugo bad-qabka mudanayaasha, shaqaalaha, iyo martida kale ee soo booqnaysa.
Kamarooyinka Amniga CCTV waxay qayb laxaad leh ka qaadan doonaan la socodka dhaq-dhaqaaqa guud ahaan xarunta cida ku sugan iyo hareera baarlamaanka si looga hortago khatarkasta oo dhici karta ama loo heli karo tixraac cid wax khaldan samaysa.
Hore waxaa baarlamaanku u tayeeyey qaabka loogalo baarlamaanka oo lagu xidhey qalabka qabta biraha iyo waxyaabaha kale ee mabnuuca ka ah in la’la galo baarlamaanka, waxaana hareera deyrka lagu sameeyey tower lagala socda dhaq-dhaqaaqa hareera iyo guud ahaan xarunta.
Dhamaystirka iyo hirgalinta qalabka kamarooyinka amniga waxaa qaybweyn ka qaatey GW oo bixiyey kala badh qalabka lagu xidhey iyo agabka kale ee loo baahnaa si systemkani u noqdo mid si dhamaystiran u shaqeeyaa.
ugu dambeyn maanta ayey suurto gashey la wareegida qalabka iyada oo uu Gudoomiyaha GW Mudane Baashe Mohamed Farah kala wareegey saraakiil ka socda UNDP, gaar ahaan xafiiska Hargeysa. waxaa kale oo xaflada la wareegida ku sugnaa, Gudoomiye ku xigeenka GW mudane Ahmed Yasin Sheik Ali Ayanle, xoghaya Guud ee GW Mudane Abdirizak Saed Ayanle, agaasimaha qorsheynta GW Abdinasir Osman Mohamoud, lataliya amniga ee GW Abdirizak Ibrahim. dhanka kale dhinaca UNDP waxaa ka socdey Mrs Samira Hassan Iyo Mudane Mascuud Abdi.
Waxa uu gudoomiyuhu bulshada Eebe uga baryayaa in uu ka aqbalo acmaashii iyo cibaadadii Saalixa ahayd ee ay mudada soo wadeen waxaanu u rajaynayaa sanadkaas sanadkiisa inuu ku gaadhsiiyo nabadgelyo, caafimaad iyo cibaado Suuban.
Hargeysa 23 May 2019 Golaaha Wakiilada ayaa kulan wadatashi (Public
Consultation WorkSHOP) Laba maalmood
socday u qabtay Xeerkan oo lagu soo
martiqaaday daneeyayaasha iyo inta uu saamayn doono dhaqan galkiisu ayaa
talooyin dheeraada lagu waydiistay si ay waxtar iyo talo badsi ugu noqoto
Xeerka Maydhista lacagaha oo akhriskii 3aad galay hor yaalana gole weynaha.
kulankan ayay goob joog ka ahaayeen badiba
xubnaha gudida dhaqaalaha ee Golaha iyo gudoomiyaha gudidaas Mudane Cumar Axmed
Saleebaan (Cumar Sanweyne) iyo xoghayaha
guud ee Golaha wakiilada mudane Cabdirisaaq Siciid Ayaane waxa kale oo ka soo
qayb galay gudoomiyaha Baanka Dhexe Mudane Cali Ibraaahim (Baqdaadi) Agaasimaha
guud ee wasaarada Maalgashiga, Agaasimaha Waaxda Financial Sector-ka ee
wasaarada Maaliyada, ku simaha Agaasimaha guud ee Wasaarada Qorshaynta iyo madaxda xawaaladaha iyo baananka gaarka
loo leeyahay.
gudoomiyaha Baanka dhexe Cali Ibraahim iyo
Gudomiyaha gudida dhaqaalaha ayaa ka soo qayb galayaashii shirka ka dalbaday in
ay si wanaagsan u contribute gareeyaan qodobo dheeraad ah oo xeerkan kaabis
loogu sameeyey, isla markaaana u sheegay inay mar labaad uga maarmi waayeen
inay bulshada iyo hay’addaha maaliyada talo urursi kale kala sameeyaan.
Gudoomiyaha Gudoida Dhaqaalaha Cumar
Sanweyne Xoghayaha guud ee Golaha
Wakiilada Ayaanle iyo Xildhibaan Siciid Maxamed
Cilmi oo gudida dhaqaalaha ka tirsan ayaa faahfaahin ka bixiyey iyo sharaxaad kooban asbaabta keentay in mar kale
bulshada wax laga waydiiyo.
waxaana halkaas qodob qodob iyo nuxurka xeerka ka
soo qayb galayaasha ugu sameeyey faahfaahin dheeraada Labada Lataliye ee Dhanka
Sharciga ee Golaha wakiilada JSL Mudane Cabdiraxmaan Hirad Jaamac iyo
Cabdirisaaq Maxamed Siciid oo soo naaqishay Xeerka.
wadatashigan Bulsheed ee loo qabtay xeerka oo
laba maalmood qaatay 22-23 May 2019 ayaa si habsami leh loogu soo xidhay Huteel
Maansoor ee magaalada Hargeysa
