Gar-adag SL-P Axad 06 December 2020 Gudida Dabagalka iyo ilaalinta Hantida qaranka ee Golaha Wakiilada Somaliland ayaa waxay kormeer ku tageen wadada isku xidha Burco-Ceerigaabo ee #SIILAANYO ROAD wadadan oo hadda maraysa wajigii gebogabada.
U jeedada safarkan oo daba socday, dabagalka xisaab xidhadii 2018-2019, isla markaana u kuurgalaya mashaariicda laga fuliyey miisaaniyadihii kala dambeeyey ee Qaranka.
Sida Wasiirka iyo Hawl-wadeenada wadadu u sheegeen Guddida, waxay wadadu maraysaa wajigii ugu dambeeyey ee dhamaystirka, iyada oo Xadhiga laga jaray inta u dhaxaysa Ceel-afweyn iyo Gar-adag. Waxa imika dhamaystiran 148KM oo ka soo bilaabantay Magaalada Ceerigaabo, Ceel-afweyn ilaa gar-adag.
Waxa kale oo wadada samaynteedu ka socotaa dhanka Magaalada War-idaad, una socota dhanka degmada Gar-adag.
Waxa kale oo Guddidu indho-indhayn ku samaysay qalabka farabadan ee wadada ceerigaabo lagu dhisayo, iyada oo sida uu Wasiirku sheegay wadada ceerigaabo la dhamayn doono bilawga 2021.
Gudida ayaa marka kormeerkoodani u soo dhamaado waxay Gole weynaha la wadaagi doonaan waxa ay ku soo arkeen wadada iyo halka ay marayso.
![](https://somalilandparliament.net/Test/wp-content/uploads/2020/12/FB_IMG_1607270453737.jpg)
![](https://somalilandparliament.net/Test/wp-content/uploads/2020/12/FB_IMG_1607270451000.jpg)
![](https://somalilandparliament.net/Test/wp-content/uploads/2020/12/FB_IMG_1607270448605.jpg)
![](https://somalilandparliament.net/Test/wp-content/uploads/2020/12/FB_IMG_1607270446397.jpg)
![](https://somalilandparliament.net/Test/wp-content/uploads/2020/12/FB_IMG_1607270444078.jpg)
![](https://somalilandparliament.net/Test/wp-content/uploads/2020/12/FB_IMG_1607270441523.jpg)
![](https://somalilandparliament.net/Test/wp-content/uploads/2020/12/FB_IMG_1607270434607.jpg)
![](https://somalilandparliament.net/Test/wp-content/uploads/2020/12/FB_IMG_1607270423827.jpg)
![](https://somalilandparliament.net/Test/wp-content/uploads/2020/12/FB_IMG_1607270429054.jpg)
![](https://somalilandparliament.net/Test/wp-content/uploads/2020/12/FB_IMG_1607270431981.jpg)