Gudidda Dhaqaalaha, Maaliyadda iyo Ganacsiga ee Golaha wakiilada JSL ayaa maanta Kulan ay ugu yeedheen Wasiirka Gaadiidka iyo Jidadka Somaliland mudane Cabdilaahi Abokor
Kulankan oo uu Shirgudoominayay Gudoomiye Ku-Xigeenka Gudidda Mudane Maxamud Axmed Obsiye ayaa lagaaga wada hadlay arimo dhawr ah oo ay ka mid ahaayen
- Cashuurtii Sumada Gaadiidka ee Goluhu hore u joojiyey
- Bedelka Sumada Gadiidka.
- .Qiima dhimista Taarikada Cusub.
- .Mashruuca berbera Coridor.
- Dhimsayaasha Wadooyin Cusub 5.Qodobo kale
Gudida ayaa si adag wasiirka ugala hadashay inay joojiyaan Lacagta 600 ee kun ah ee ay qaadayaan Taarikada cusub maadaama Goluhu hore u laalay sharcinimadeeda markii miisaaniyada la ansixinayay, isla markaana waxay gudidu wasiirka indhaha u saartay Goaankii golaha iyo Lifaaqyadii Miisaaniyada ku lamaanaa kuwii la laalay iyo kuwii la ansixiyey in la qaado.
Wasiirka ayaa Gudida u sheegay inaanay wasaaradiisu arintan ka warhaynin isla markaana ay gudidu wasaarada maaliyada kala xidhiidho arintan.
Wasiirka ayaa si adag looga xog waraystay wadada Berbera Corridor iyo sida loo dhisayo wasiirkuna gudida wuu u faahfaahiyey
Bahda Warbaahinta iyo xidhiidhka Dadweynaha
ee Golaha Wakiilada JSL